ضمير الناس
شعر / محمد جواد الدخيلي \ العراق
أشوكت يصحه ضمير الناس ..؟!
أشوكت نغفه أو نكضي الليل مرتاحين
ونعيش أبسلم ونطلك الحراس
أشوكت ناخذ ابثارك ياحسين الثار
ونضمد الكرامة أبغيرة العباس
وبليلة الجمعة .. أنطش بخور وياس
ونشيل السهم من الرضيع الطاح
ونلوم اعله زينب من تدك عالراس
نزع هدمه الضمير وبّين المكشوف
أوشربوا بالجماجم دم ضمير الناس
يمته الحساس أيصير عنده احساس
جا يمته الشريف الهتك عرضه الجوع
يغتاض أو يثور أو عرضه ما ينجاس
أشوف الليل يثغب والدموع أنجوم
وأشوف أهل الكرامة أبلا خجل تنداس
وعاين عالزلم ماخذهه طاري الخوف
وبراس الشهامه أتنام ميّـة فاس
ياشيطان شعري اشمال هاي الناس ؟!
ظلت حايره أوتركض وره المبيوك
وتعوف الحرامي وتشبك العلاّس
أنه الماهمني الشريف العاف كل ممشاه
أودنك على الدوني أولزم جـفـه أوباس
جا يمته الكه تفكـه اداعي بالثارات
وحتى أنه أحط روحي وي زمرة الترباس
جا يمته الكــه روحي التاهت أمن أسنين
وآنه الصرت بين النار والمحماس
يارخص الشرف ينباع تنزيلات
وينباع الضمير من الخلك بفلاس
جا كلي أشوكت يصحى ضمير الناس
ياثكل الليالي أشلون بينه اتدور
واحنه أهل الشرف والغيرة والنوماس
شربنه من الشرف حد ما سكرنه أسنين
مزتنه الكرامه أوكاس يردف كاس
لا جار اليأمن لا نلفي أدخيل
ديره أوذل بخته أوصبحت تكساس
والياوكت نبقه أنسامح الجلاد
وسياط الغدر هدمت حتى الساس
يالمهدي اطلع إلنه اومن تكوم أنكوم
وندوس ابجدمه الخاست أمن الراس
فرهدنه الحقد جيه ننتخي ابطرواك
لوخيم الليل أسمك يظل نبراس
نسينه أسم القصائد والشعر محتار
جيه صفنة الشاعر .. عايشه أبوهواس
كوم اوكف يشاعر واعترف مجبور
وج واحرك أوراقك وأعلن الاستفلاس
أشوكت نغفه أو نكضي الليل مرتاحين
ونعيش أبسلم ونطلك الحراس
أشوكت ناخذ ابثارك ياحسين الثار
ونضمد الكرامة أبغيرة العباس
وبليلة الجمعة .. أنطش بخور وياس
ونشيل السهم من الرضيع الطاح
ونلوم اعله زينب من تدك عالراس
نزع هدمه الضمير وبّين المكشوف
أوشربوا بالجماجم دم ضمير الناس
يمته الحساس أيصير عنده احساس
جا يمته الشريف الهتك عرضه الجوع
يغتاض أو يثور أو عرضه ما ينجاس
أشوف الليل يثغب والدموع أنجوم
وأشوف أهل الكرامة أبلا خجل تنداس
وعاين عالزلم ماخذهه طاري الخوف
وبراس الشهامه أتنام ميّـة فاس
ياشيطان شعري اشمال هاي الناس ؟!
ظلت حايره أوتركض وره المبيوك
وتعوف الحرامي وتشبك العلاّس
أنه الماهمني الشريف العاف كل ممشاه
أودنك على الدوني أولزم جـفـه أوباس
جا يمته الكه تفكـه اداعي بالثارات
وحتى أنه أحط روحي وي زمرة الترباس
جا يمته الكــه روحي التاهت أمن أسنين
وآنه الصرت بين النار والمحماس
يارخص الشرف ينباع تنزيلات
وينباع الضمير من الخلك بفلاس
جا كلي أشوكت يصحى ضمير الناس
ياثكل الليالي أشلون بينه اتدور
واحنه أهل الشرف والغيرة والنوماس
شربنه من الشرف حد ما سكرنه أسنين
مزتنه الكرامه أوكاس يردف كاس
لا جار اليأمن لا نلفي أدخيل
ديره أوذل بخته أوصبحت تكساس
والياوكت نبقه أنسامح الجلاد
وسياط الغدر هدمت حتى الساس
يالمهدي اطلع إلنه اومن تكوم أنكوم
وندوس ابجدمه الخاست أمن الراس
فرهدنه الحقد جيه ننتخي ابطرواك
لوخيم الليل أسمك يظل نبراس
نسينه أسم القصائد والشعر محتار
جيه صفنة الشاعر .. عايشه أبوهواس
كوم اوكف يشاعر واعترف مجبور
وج واحرك أوراقك وأعلن الاستفلاس
